Declaración Universal dos Dereitos Humanos

Artigo 1.
Tódolos seres humanos nacen libres e iguais en dignidade e dereitos e, dotados como están de razón e conciencia, débense comportar fraternalmente uns cos outros.


Voz: Iván

Artigo 2.
1. Toda persoa ten todos os dereitos e liberdades proclamadas nesta Declaración, sen distinción algunha de raza, cor, sexo, idioma, relixión, opinión política ou de calquera outra índole, orixe nacional ou social, posición económica, nacemento ou calquera outra condición.


Voz: Bahamonde

Artigo 3.
Todo individuo ten dereito á vida, á liberdade e á seguridade da súa persoa.


Voz: María

Artigo 4.
Ninguén estará sometido a escravitude nin a servidume; a escravitude e trata de escravos están prohibidas en todas as súas formas.


Voz: Sonia

Artigo 5.
Ninguén será sometido a torturas nin a penas ou tratos crueis, inhumanos ou degradantes.


Voz: Basalo

Artigo 6.
Todo ser humano ten dereito, en todas partes, ao recoñecemento da súa personalidade xurídica.


Voz: Stefan

Artigo 7.
Todos son iguais ante a lei e teñen, sen distinción, dereito a igual protección da lei. Todos teñen dereito a igual protección contra toda discriminación que infrinxa esta Declaración e contra toda provocación a tal discriminación.

Artigo 8.
Toda persoa ten dereito a un recurso efectivo, ante os tribunais nacionais competentes que a ampare contra actos que violen os seus dereitos fundamentais recoñecidos pola constitución ou pola lei.


Voz: Javier

Artigo 9.
Ninguén poderá ser arbitrariamente detido, preso nin desterrado.


Voz: Jose M. Francisco

Artigo 10.
Toda persoa ten dereito, en condicións de plena igualdade, a ser oída publicamente e con xustiza por un tribunal independente e imparcial, para a determinación dos seus dereitos e obrigacións ou para o exame de calquera acusación contra ela en materia penal.